Hrafnagil

Einar á Brúnum sendi mér mynd af Söru og Hring, nýfæddum þann 10 júní síðastliðinn.  Það er enginn Markúsarháls á þessum :)  Skásettir bógar og allur pakkinn og verður hafður ógeltur en er farið að langa í hryssu undan Söru og vona ég að Dósent lagi það næsta vor.  Söru verður svo haldið undir Hrym frá Hofi næst.

Ég var að skoða afkvæmi Hryms frá Hofi í Worldfeng og nú eru komin 7 hross í 1. verðlaun og 4 alveg við 1. verðlaun og 4 í 7.80 og yfir. Þetta verður að teljast gott því yfirleitt eru þetta klárhross og aðallinn þeirra er töltið og fyrir sköpulag er ekkert undir 8,5 fyrir háls/herðar og mörg með 9.0 enda hann sjálfur með fallegan frampart.

Blær okkar frá Hrafnagili sem er aðeins 2 vetra gamall undan Söru og Forseta hefur haft nóg að gera í sumar en það voru 17 hryssur hjá honum í sumar, þar af tvær 1. verðlauna hryssur að vísu á okkar vegum, þær Fröken frá Brún og Birta frá Árgerði.  Álfheiður móðir 1. verðlauna stóðhestsins Eldjárns frá Ytri-Brennihóli var líka hjá Blæ en hún er Fengsdóttir frá Bringu.  Síðan vorum við með heimahryssurnar hjá honum og verður spennandi að sjá afkvæmi hans næsta vor

nýleg mynd af Blæ 

Við munum í samstarfi við Gunnar Egilsson starfrækja tamningastöð í vetur á Grund en þar er fín aðstaða og mjög snjólétt á veturna.  Lina Eriksson hefur verið ráðin og er hún Hólaskólagengin og með munnin fyrir neðan nefið .  Stefnan er svo að ráða annan tamningamann og taka hross í tamningu fyrir aðra því það vinnst miklu betur að vera tveir og líka öryggissins vegna. Inniaðstaða er á Grund og bæði básar og stíur í boði og verður gaman að byrja eftir göngur núna í byrjun október. 

Við eigum 7 merar á

Sara eignaðist rauðan hest 10 júní s.l. undan Kjarna frá Þjóðólfshaga og er hann spertur og flottur, stillti sér svona flott upp fyrir mér um daginn og að sjálfsögðu verða báðar baunirnar hafðar í honum

Mynd af stóðinu síðan á þriðjudaginn

Þessa dagana erum við að girða um 300 ha hólf í fjallinu fyrir ofan Hrafnagil og veitir ekki af bæði fyrir hross og nautgripi.  Þórarinn kaupamaður er hokinn af reyslu í uppsetningu á rafgirðingum en hann vann í 3 ár hjá Girði.  Þetta er þriggja strengja rafgirðing og er allt efni keypt í gegnum lífland frá Reykjalundi plast.

Útsýnið er alveg magnað og ótrúlega gaman að vera þarna uppfrá.  Mikið graslendi og allsstaðar lækir og sprænur. 

 Við Dósents eigendur útbjuggum plakat af meistara Dósent frá Brún með hans helstu afkvæmum.  Rósberg bar þungan af verkinu ásamt Önnu Guðrúnu í Fornhaga og höfum við dreift því víða um land. Það er samt leiðindar villa í talanröðinni fyrir hæfileika