Hrafnagil

Við eigum nú ásamt Sigfúsi Erni Eyjólfssyni alla hluti í Hrym frá Hofi. Hrymur var m.a í eigu HEÞ, Hrossvest og Dalamanna og erum við náttúrulega alveg í skýjunum yfir því að eignast svona glæsilegan hest og förum nú að vinna að markaðsmálum. Hrymur mun koma fram með afkvæmum í Top Reiter höllinni 17 apríl n.k og í lok apríl í Ölfushöllinni fyrir sunnan. Eins verður lögð mikil áhersla á að koma honum í 1 verðlaun fyrir afkvæmi, fyrir landsmót, og eru mjög miklar líkur á að það takist. Ég veit um mörg spennandi afkvæmi undan honum í tamningu núna og hlakka til vorsins. Hrymur er búinn að vera á Hólaborg hjá Ingimar s.l tvo mánuði og er nýfarinn til Þorvaldar Árna Þorvaldssonar á Hvoli í þjálfun og vonum við að hann komi fram aftur og löppin haldi það út en eins og margir vita slasaðist hann um árið og hefur ekkert getað komið fram síðan. Ég leit á hann á mánudaginn s.l og varð ekki fyrir vonbrygðum með það og hann er í hörku formi og ótrúlega góður miðað við langa fjarveru og Þorri eránægður með gamla, alltaf jafn viljugur og fótaburðurinn sá sami.

Jæja við erum komin með toll í vor undir Orra sjálfan frá Þúfu og ætlum með Söru frá Víðinesi í það verkefni en hún hentar frábærlega í það, lofthá og hálslöng.  það er ekki hægt annað en að viðurkenna það að það toppar enginn Orra sama hvað menn hníta út í hann.  Farið bara í Worldfeng og skoðið það, þetta er náttúrulega rugl hverju hann hefur skilað í gegnum tíðina og verðum að prófa gamla líka.

Við fáum vonandi einnig Krákstoll og ef svo fer mætum við með Báru-Brá frá Litlu-Sandvík úr ræktun Óla Péturs vins okkar sem er mjög skyldleikaræktuð út af Höfða-Gusti frá Sauðárkróki og er systir Stöku frá Litlu-Sandvík móðir Tenórs frá Túnsbergi.  Bára-Brá er með þeim allra fallegustu í bransanum og einhver magnaðasta ætt sem ég veit um á bakvið hana.  Sjá worldfeng

Við keyptum um daginn Hrymsdótturina Hrund frá Ytra-Dalsgerði á 5 vetur eða öllu heldur skiptum á öðrum Hófshlutnum okkar og er hún nú í tamningu á Grund hjá Linu.

Hrund er undan Kjarvalsdótturinni Gýju frá Ytra-Dalsgerði og er m.a systir skeiðgarpsins Hnikars frá Ytra-Dalsgerði og á 3 1. verðlauna systkyni, þau eru Isafold, Gima og Lektor öll frá Ytra-Dalsgerði

Við settum video inn á youtube af Söru frá Víðinesi frá því á LM 2008 og geta menn séð það þar

Við höfum ekki getað skrifað neitt í þónokkurn tíma en við vorum að flytja síðuna okkar frá EJS yfir til 1984.is og við flutninginn fór ýmislegt úrskeiðis. T.d allir íslenskir stafir og fl. en vonandi komið í lag.

Ýmisslegt hefur gerst í hrossaræktinni, en við fórum í hestakaup við Flugumýrarhjónin Pál og Önnu, en þau fengu Jarp frá Hrafnagili og við fengum í staðinn 15 vetra gamla hryssu hana Skör frá Geirlandi.  Skör er fylfull við Seið frá Flugumýri sem setti glæsilegt heimsmet 4 vetra, 8,42 í aðaleinkunn. 

Sjá dóm á næstu síðu

Jæja hér er loksins komið video af gæðingnum Hrym frá Hofi sem Vignir Sigurólason tók árið 2006 í Þjólfshaga þar sem Hrymur var í þjálfun hjá Sigga Sig. Hann minnir mann óneitanlega á Hrímni gamla frá Hrafnagili enda keyptum við í honum vegna þess og vonum að hann eigi eftir að skila okkur sambærilegu.  Þetta er algjör gæðingur  eins og sést á videoinu

7

Ég Googlaði Hrímni gamla áðan og rakst þá á þessa grein sem birtist í morgunblaðinu 12.11.2007

Jæja þá er Hrymsdóttirin okkar Steinka loksins komin norður en hún kom að sunnan rétt áðan. Lina Erikson tamningakona og kennari sem er m.a að temja fyrir okkur verður með hana og búin að bíða lengi, því alltaf var hún að koma

mynd frá í fyrra rétt reiðfær